Heiða Bloggar

Hlynsskógar

Hlunkurinn kom rúllandi niður brekkuna......... Svona á ævisagan mín að byrja sagði Hlynur eitt kvöldið þegar ég hafði lesið fyrir hann eina söguna mína, og ég tekið loforð um að skrifa ævisöguna hans einhvern tíma. Þó ævi hans hafi verið töluvert styttri en við öll vildum óska þá er örugglega til efni í heilan doðrant um þennan frábæra dreng. Skemmtidoðrant! ...Með bullívafi... Þó sagan endi sorglega, þá er ekki annað hægt en að hlæja sig máttlausan yfir vitleysunni og bullinu sem valt upp úr honum, og hann kallaði fram í okkur hinum. Meira að segja ísskápar urðu hlægilegir og öðluðust nýja merkingu. Nýir karakterar fæddust, íslenskir sem erlendir, sagan um Gunther, þýski þjóðverjinn sem heiðraði okkur íslendinga með nærveru sinni. Strumpaópalið, c-vítamínið, kínverskan og púrtvínið. Endalaus uppspretta af næringu fyrir sálina.. oh hvað ég sakna hans. Ef ég ætti eitt tré fyrir hvert gleði og sorgar tár sem hann hefur framkallað, ætti ég marga skóga... ...Skóga sem ég myndi kalla Hlynsskóga..... Hlynur, til hamingju með afmælið í dag.

Flokkur: Bloggar | 5.3.2008 | 00:54 | Facebook

Athugasemdir

Nú spyr tölvu wonderwomen: Hvernig laga ég f... línubilið??

Setningarnar slitna eis og lélegt spagetty......................

Heiðrún Björk Jóhannsdóttir, 5.3.2008 kl. 01:06

Erfitt að leiðbeina með línubilið, eiginlega ekki hægt nema í gegnum síma kannski .

Hver var/er þessi Hlynur Heiða mín ? Bara einskær forvitni

Arndís Baldursdóttir, 5.3.2008 kl. 09:04

Hlynur var kær vinur sem lést í eldsvoða í Svíþjóð fyrir um ári síðan

heida (IP-tala skráð) 5.3.2008 kl. 11:58

Sæl og blessuð Heiða mín!

Það eru bara allir farnir að blogga. Ég þarf sem sagt að fara að stela fleiri mínútum úr vinnunni til að lesa allt þetta skemmtilega blogg, bæði þitt og Addýar Hmmmm hvað skyldi stjórinn segja! En haltu áfram á sömu braut, frábært að lesa pistlana þína, set þig í favorites með hvelli.